2014-06-07 - Автомашингүй өдөр,автомашинтай өдрийн агаарын бохирдлын хэмжээг тогтоож харьцуулалт хийлээ
Улаанбаатар хотод “Автомашингүй өдөр”- ийг зохион байгуулах ажлын хүрээнд 2014 оны 6 дугаар сарын 07- ний өдрийн 10:00-17:00 цагийн хооронд автозамын хөдөлгөөнийг түр хугацаагаар нийслэлд хаах болсонтой холбогдуулан зам хаасан цэгүүдэд, тухайлбал: Зүүн 4 зам, Бөхийн өргөө, Их дэлгүүр, Ялалтын талбай, Баруун 4 замд нийт таван цэг дээр орчны агаарын бохирдлын хэмжээг тогтоож, тээврийн хэрэгслийн хөдөлгөөнт үетэй харьцуулсан хэмжилтийг хийлээ. Гадна орчны салхины чиглэл хурдаас шалтгаалан агаарын бохирдуулагч бодисууд зарим цэгүүдэд стандарт үзүүлэлтээс өндөр гарсан байнà. Жишээ нь зүүн 4-н замын ойролцоо хүхрийн давхар исэл стандарт утга болон автомашинтай өдрийн хэмжилтээс их гарсан байна.
2014/10/01
" Агаарын чанарыг сайжруулах бүсэд мөрдөх журам "
БАЙГАЛЬ ОРЧИН, НОГООН ХӨГЖЛИЙН САЙД,
НИЙСЛЭЛИЙН ЗАСАГ ДАРГЫН ХАМТАРСАН ТУШААЛ, ЗАХИРАМЖ
ЖУРАМ БАТЛАХ ТУХАЙ
/Агаарын чанарыг сайжруулах бүсэд мөрдөх/
2014 оны 07 дугаар сарын 17-ны өдөр Дугаар А-263/А-616 Улаанбаатар хот
Агаарын тухай хуулийн 15 дугаар зүйлийн 15.1 дэх хэсгийг үндэслэн ТУШААЖ, ЗАХИРАМЖЛАХ нь:
1.“Агаарын чанарыг сайжруулах бүсэд мөрдөх журам”-ыг хавсралтаар баталсугай.
2.Тус журмын хэрэгжилтийг зохион байгуулж, хяналт тавьж ажиллахыг Байгаль орчин, ногоон хөгжлийн яамны Хүрээлэн буй орчин, байгалийн нөөцийн газрын дарга Д.Энхбат, Нийслэлийн экологи, ногоон хөгжлийн асуудал хариуцсан орлогч дарга Т.Бат-Эрдэнэ нарт тус тус үүрэг болгосугай.
Байгаль орчин, Нийслэлийн Засаг дарга бөгөөд
ногоон хөгжлийн сайд С.ОЮУН Улаанбаатар хотын захирагч Э.БАТ-ҮҮЛ
2014/10/01
Монгол улс Улаанбаатар хотын агаарын бохирдлын хяналтын чадавхийг бэхжүүлэх төсөл-2 РМ10, РМ2.5-ын симпозиум
Олон жилийн турш тооцонцор (РМ10, РМ2.5)-оос үүдэлтэй агаарын бохирдуулах бодисын судалгааг хэрэгжүүлж, Япон улсын БОЯ-ны судалгааны бүлгийн гишүүнээр ажиллаж байсан профессор багш Мизохата (Осака их сургуулийн бүс нутгийн уялдаа холбоог судлах байгууллагын хүндэт доктор) тоосонцороос үүдэлтэй агаарын бохирдлын тухай тойм болон 2014 оны 2 дугаар сард Улаанбаатар хотод дээжлэж авсан РМ2.5-ын найрлагын шинжилгээний үр дүнгийн тухай лекц тавихаар төлөвлөөд байна.
2014/10/01
