“УТААГҮЙ- УГААРГҮЙ-УХААЛАГ” ХЭРЭГЛЭЕ
Өвөлжилтийн бэлтгэлийн хүрээнд нийслэлийн 200 мянга орчим өрхийн хэрэглээ болсон сайжруулан түлшний нөөц, түгээлт, борлуулалт, хэрэглэх зааварчилга, аюулгүй ажиллагааг хангуулахаар холбогдох албаныхан хамтран “Сайжруулсан түлшний цогц хэрэглээ” аяныг эхлүүлж байна.
Иймд иргэд, та бүхнийг “Сайжруулсан түлшний цогц хэрэглээ аян”-д идэвхтэй оролцож, хамтран ажиллаж, иргэнийхээ үүргийг биелүүлэн, өөрийн болон гэр бүлийнхээ гишүүн бүрийн эрүүл мэндийг хамгаалж, эрсдэлээс сэргийлэхийг уриалж байна.
2021/09/20
ТӨВИЙН ХАЛААЛТАД ХОЛБОГДОХ БОЛОМЖГҮЙ СУРГУУЛЬ, ЦЭЦЭРЛЭГИЙН ЗУУХЫГ ХИЙН ЗУУХАНД ШИЛЖҮҮЛЛЭЭ
Хийн халаалтад шилжүүлснээр сургууль, цэцэрлэгүүдэд жилд дунджаар 3380 тонн нүүрс шатааж байсныг зогсоож, 4191.2 тонн хүлэмжийн хий, 165 тонн агаар бохирдуулах бодис, мөн хэмжээний агаар бохирдуулж уур амьсгалын өөрчлөлтөд хүргэгч хий, 538 тонн үнс, хатуу хаягдал Улаанбаатар хотын агаар, орчинд хаягдаж, агаар бохирдуулж, уур амьсгалын дулааралд нөлөө үзүүлж байсныг бууруулж байна.
2021/09/20
ХАН-УУЛ, БАЯНЗҮРХ ДҮҮРГҮҮДЭД 2000 ШИРХЭГ НҮХЭН ЖОРЛОН СУУРИЛУУЛАВ
Гэр хороололд манай орны нөхцөлд тохирсон хямд өртөг бүхий эко жорлонгийн шийдлийг гаргаж, инновацийг дэмжих арга хэмжээнүүдийг хэрэгжүүлснээр агаар, хөрс, усны бохирдол, хог хаягдлыг бууруулах нөхцөл бүрдэх юм.
Энэ ажлын хүрээнд Орчны бохирдлыг бууруулах Үндэсний хорооноос 2020 онд хэрэгжүүлэх үйл ажиллагааны төлөвлөгөөнд тусгагдсан Нийслэлийн ХУД, БЗД-ийн гэр хорооллын 2000 айл өрхийн нүхэн жорлонг шинэчлэх ажлын гүйцэтгэлтэй Ажлын хэсгийнхэн /2021.8.20/ газар дээр нь очиж танилцсан юм.
2021/08/27
ТООСЖИЛТЫГ БУУРУУЛАХ ЗОРИЛГООР БУТЛУУРУУДЫГ ГАЗАР ДООР БАЙРЛУУЛЖ БАЙНА
“Таван толгой түлш” ХХК-ийн Баруун бүсийн үйлдвэр ньь үйлдвэрлэлээс үүсэх тоосжилтыг дөрөв дахин бууруулахаар техникийн шинэчлэл хийж эхэлсэн. Энэ хүрээнд орчны бохирдлыг бууруулах зорилгоор үйлдвэрт 9 бутлуур, туслах 15 тоног төхөөрөмж шинээр суурилиулж, гадна талбайдаа 10 орчим метрийн өндөр зориулалтын хаалт босголоо.
2021/08/13
СИБИРИЙН ОЙН ТҮЙМРИЙН УТАА АГААРЫН ЧАНАРТ СӨРГӨӨР НӨЛӨӨЛӨВ
Ойн түймрийн утааны нөлөө Улаанбаатар Хөвсгөл, Сэлэнгэ, Булган, Төв, Өвөрхангай, Архангайн зүүн хэсэг, Дорноговь, Өмнөговийн хойд хэсэг, Хэнтийн баруун хэсгүүдэд тархаад байна. Энэхүү хойноос зөөвөрлөгдөж ирсэн түймрийн утааны нөлөөгөөр 8 дугаар сарын 9-нөөс 10-ны өдрүүдэд агаарын чанар эрс муудаж, агаарын чанарын автомат суурин харуулын мэдээгээр Улаанбаатар хот буюу тодруулбал Баруун дөрвөн зам орчимд бохирдол эрс нэмэгдсэн үзүүлэлтэй гараад байна.
2021/08/11
