ОРЧНЫ БОХИРДЛЫГ БУУРУУЛАХ АРГА ХЭМЖЭЭНИЙ ТАЛААР ЗӨВЛӨМЖ ӨГЛӨӨ.
Байгаль Орчин Аялал Жуулчлалын (БОАЖ) сайд, Орчны Бохирдлыг Бууруулах Үндэсний Хороон (ОББҮХ) даргын 2022 оны 02 сарын 05-ны өдрийн А/16 тоот тушаалаар батлагдсан төлөвлөгөөний холбогдох заалтыг хэрэгжүүлэх ажлын явцтай танилцаж, Эрдэнэт Дулааны Цахилгаан Станц (ЭДЦС) ТӨХК-ний удирдлагуудтай ажил хэргийн уулзалт хийв.
2022/04/14
"Эх дэлхий" залуучуудын манлайллын хөтөлбөрт шалгарсан сурагчид, залуучуудын төлөөлөлтэй уулзалт хийлээ.
Орхон аймгийн Засаг Даргын Тамгын газар, Байгаль Орчин Аялал Жуулчлалын газар, Сэлэнгэ голын сав газрын захиргаанаас хамтран “Эх дэлхийн цаг” арга хэмжээний хүрээнд зохион байгуулсан "Эх дэлхий" залуучуудын манлайллын хөтөлбөрт шалгарсан сурагчид, залуучуудын төлөөлөлтэй уулзалт хийж, Хангал голын бохирдлыг бууруулах чиглэлээр санаачилж буй "Цэвэр байгальд цэнгэг ус" бичил төсөл, арга хэмжээг дэмжих, судалгаа мэдээллээр хангах, цаашид хамтран ажиллахаар ярилцлаа.
2022/04/11
НАЛАЙХ ДҮҮРГИЙГ НИЙСЛЭЛИЙН АГААРЫН ЧАНАРЫН САЙЖРУУЛАХ БҮСЭД ХАМРУУЛАХ БЭЛТГЭЛ АЖЛЫН ХҮРЭЭНД
Улаанбаатар хотын Налайх дүүргийг Нийслэлийн Агаарын чанарын сайжруулах бүсэд хамруулахтай холбоотой Орчны Бохирдлыг Бууруулах Үндэсний Хорооны Ажлын алба, Нийслэлийн Налайх дүүргийн Засаг дарга, Засаг даргын Тамгын газрын холбогдох албан хаагчид, Нийслэлийн Агаар, орчны бохирдолтой тэмцэх газар, Нийслэлийн Мэргэжлийн хяналтын газар, Таван Толгой Түлш ХХК-ийн төлөөллүүд оролцсон хурал 2022 оны 4 дүгээр сарын 7-ны өдөр болж өнгөрлөө.
2022/04/07
БОХИРДЛЫН ЭХ ҮҮСВЭРИЙГ ЗОГСООЖ АРИУТГАЛ ХИЙГДЛЭЭ.
Өнгөрсөн 3 сард Орчны Бохирдлыг Бууруулах Үндэсний Хорооны (ОББҮХ) Ажлын албаны орон нутаг хариуцсан ажилтнаар ахлуулсан Ажлын хэсэг Орхон аймгийн Баян-Өндөр сумын Говил багийн 48 айлын орон сууцны бохирын худаг, Жаргалант сумын ариун цэврийн байгууламжийн бохирын худгаас их хэмжээний бохир ус хальж хөрсний бохирдол үүсгэж улмаар Хангал голыг бохирдуулж байгааг илрүүлэв. ОББҮХ -ны ажлын албаны даргын зүгээс 2022 оны 3 дугаар сарын 18-ны өдрийн 2022/81 албан тоот шаардлагыг "Эрдэнэт Ус Дулаан Түгээх Сүлжээ" ОНӨҮГ-т хүргүүллээ.
2022/04/06
ҮЙЛДВЭРҮҮДЭД ШИЛ, ЛААЗНЫХАА 60-ААС ДООШГҮЙ ХУВИЙГ БУЦААН ТАТАХ НӨХЦӨЛИЙГ ЯРИЛЦАН ШИЙДНЭ
Байгаль орчин, аялал жуулчлалын сайд Б.Бат-Эрдэнэ, Орчны бохирдлыг бууруулах үндэсний хорооны нарийн бичгийн дарга Б.Алтанзул нарын албаны төлөөлөл (2022.03.01) Өвөрхангай аймагт ажиллалаа.
Өвөрхангай аймаг нь 2022 оныг “Ногоон байгууламжийг нэмэгдүүлэх, орчны бохирдлыг бууруулах” жил болгон зарлажээ. Энэ хүрээнд Орчны бохирдлыг бууруулах үндэсний хорооны нарийн бичгийн даргаар ахлуулсан ажлын хэсэг ажиллаж эхлээд байна. Тус аймаг “Тэрбум мод” хөдөлгөөний хүрээнд Ойн салбарын чуулганаа энэ сарын 11-нд хийхээр төлөвлөжээ.
Түүнчлэн БОАЖ-ын сайд Б.Бат-Эрдэнэ тус аймгийн Байгаль орчин, аялал жуулчлалын газар, сав газрын захиргаад, ойн анги зэрэг байгаль орчны чиглэлээр ажилладаг ажилтан, албан хаагчидтай уулзалт хийсэн юм.
2022/03/10
